प्रेमाला रंग असावा,
प्रेमाला गंध असावा,
प्रेम मन मोरच व्हावा,
थुई थुई नाचत जावा ।
अंगणी जुई फुलावी,
पारिजात वृष्टी व्हावी,
वा-याच्या झुळुके सरसा
टप,टप,टप पाउस यावा ।
गुलाबी अन सोनेरी,
चांदण्या सम चंदेरी,
हरळीच्या हिरवाईसा
चहूकडे पसरत जावा ।
सोनेरी सकाळ व्हावी,
रुपेरी रात्र असावी,
केशरी सायंकाळी
अचानक प्रियकर यावा ।
पक्षांची किलबिल गाणी,
भ्रमरांची मधु गुणगुणणी
प्रेमाचा मृदु कलरव तो
ह्रदयी अनुनादत रहावा ।
5 comments:
खरच!...फारच सुन्दर कल्पना आहे!...वाचून खूपच आनंद वाटला!
खूपच छान आशाजी! चित्रही मस्त टाकलंय! शुभेच्छा!
कल्पनारम्य आणि साजिर्या शब्दांत सजवलेली कविता आवडली!
>>सोनेरी सकाळ व्हावी,
रुपेरी रात्र असावी,
केशरी सायंकाळी
अचानक प्रियकर यावा <<
क्या बात है! मस्तच.
अप्रतिम . . . . .
Post a Comment